સ્વસ્તિક (ક્રક્સ)

સ્વસ્તિક તારામંડળનાં તારાઓને કાલ્પનિક રીતે જોડવામાં આવે ,ત્યારે તેનો આકાર સ્વસ્તિક જેવા આકારને મળતો આવે છે.

નૌતલ તથા નૌવસ્ત્ર તારામંડળ સ્વસ્તિક તારામંડળનાં પશ્ચિમ ભાગમાં આવેલા છે. જો તમે સ્વસ્તિક તારામંડળનાં પૂર્વ તરફ નજર કરશો તો તમને નરાષ્વ નામનું બીજું તારામંડળ જોવા મળશે. સ્વસ્તિક તારામંડળની ઉત્તર તથા દક્ષિણ બાજુએ તમને અનુક્રમે નરાષ્વ તથા મક્શિકા તારામંડળ જોવા મળશે.

સ્વસ્તિક તારામંડળ દક્ષિણ ધ્રુવની નજીક નજીકમાં આવેલું છે, આ કારણે તે સમગ્ર રીતે દક્ષિણ ગોળાર્ધનો ભાગ છે.

તે આકાશનો ૬૮ ચોરસ ડિગ્રી જેટલો વિસ્તાર આવરી લે છે. તેથી તે વિસ્તારની દ્રષ્ટિએ ૮૮ માં નંબરનું તારામંડળ છે.

ક્યારે અને શું દેખાશે…

ભારતમાંથી આપણે આ સ્વસ્તિક જેવો આકાર ધરાવતાં સ્વસ્તિક તારામંડળને જોઇ શકતા નથી.

તમે નરી આંખે, સ્વચ્છ દેખાતા આકાશમાં આ તારામંડળનાં ૪૭ તારાઓ જોઇ શકો છો. કારણ કે, તે તારાઓની તેજસ્વીતા, નરી આંખે જોઇ શકાતા તારાઓની તેજસ્વીતા કરતા એટલેકે ૬.૫ દેખીતા તેજાંક કરતા વધુ છે. આ તારામંડળનો સૌથી તેજસ્વી તારો મિમોસા છે.

તારામંડળ એ એકલાં, જોડકાં (દેખીતા અને ખરેખર) સમૂહ અને રુપવિકારી તારાઓથી બનેલું છે. આ ૪૭ તારાઓમાંથી ૨૦ સૌથી તેજસ્વી તારાઓની યાદી , તેમનાં પ્રકાર પ્રમાણે નીચે મુજબ છેઃ

જોડકા તારાઓ	રૂપવિકારી (વેરીએબલ)	જોડકા અને રૂપવિકારી તારાઓ	એક તારો (સિંગલ સ્ટાર)
અકરુક્ષ	ઈમાઈ	ગાકઋક્ષ	–
૭	જીનન	મિમોસા	–
	૬	૨	–
૮	૮	૪	–

પૌરાણિક કથા…

હિંદુ માન્યતા અનુસાર, આ તારામંડળ માટે કોઇ જાણિતી કથા નથી.

દૂરઅવકાશી રચના…

Coalsack Nebula || Dark Nebula

Kappa Crucis Cluster or Jewel Box or NGC 4755 || Open Cluster

આપણે જેટલાં પણ તારાઓ જોઇએ છીએ, તે બધાં આપણી આકાશગંગા તારાવિશ્વનાં જ છે. તેજસ્વી તારાઓને નરી આંખે જોઇ શકાય છે અને ઝાંખા તારાઓને ટેલિસ્કોપ દ્વારા જોઇ શકાય છે. આકાશનો આ પડદો જે આપણે દ્વિ- પરિમાણમાં જોઇએ છીએ, તે વાસ્તવમાં ત્રી- પરિમાણ ધરાવતાં બ્રહ્માંડની વાત છે.

દરેક તારામંડળ માં ખૂબ બધી ઝાંખી અવકાશી રચનાઓ જોવા મળે છે. તેમને અંતર અને પ્રકાર પ્રમાણે અલગ અલગ રીતે વર્ગીકૃત કરવામાં આવે છે. આપણી આકાશગંગાની તક્તીમાં જુદાં જુદાં પ્રકારની નિહારીકાઓ જેમકે ઉત્સર્જન નિહારીકા, પરાવર્તન નિહારીકા, અંધારી કે શ્યામ નિહારીકા, તારાઓને જન્મ આપતી કે ગ્રહીય નિહારીકા, સુપરનોવા અવશેષ તથા ખુલ્લાં તારકગુચ્છ આવેલાં છે. આ ઉપરાંત બંધ તારકગુચ્છ પણ આવેલાં છે કે જે આપણા તારાવિશ્વનાં પ્રભામંડળમાં જોવાં મળે છે. અમુક દૂરનાં પદાર્થો જેવાંકે બીજાં તારાવિશ્વો પણ ટેલિસ્કોપ દ્વારા જોઇ શકાય છે. આવી રચનાઓને “દૂર અવકાશી રચનાઓ” તરીકે ઓળખવામાં આવે છે.

આ તારામંડળમાં ૧૦ જુદા જુદા પ્રકારની આવી દૂર અવકાશી રચનાઓ આવેલ છે. આ તારામંડળનાં ૨૦ સૌથી તેજસ્વી એવાં દૂર અવકાશી પદાર્થોની યાદી નીચે મુજબ છેઃ

	તારાવિશ્વ	ખુલ્લું તારકગુચ્છ	બંધ તારકગુચ્છ	નિહારિકા	સુપરનોવા અવશેષ
નરીઆંખે દેખાતા	–	–	–	–	–

ટેલિસ્કોપ દ્વારા દેખાતા	–	૯	–	૧	–


	–	૯	–	૧	–